گفت‌وگوی «پوتین» و «رحمان» بامحوریت افغانستان

رهبران روسیه و تاجیکستان در تماسی تلفنی با تأکید بر امنیت منطقه، بر تقویت مادی و فنی حفاظت از مرز تاجیکستان با افغانستان تأکید کردند.

کد خبر : 1100960

«ولادیمیر پوتین»، رییس جمهور روسیه، در تماس تلفنی با «امام‌علی رحمان»، رییس جمهور تاجیکستان، در مورد تحولات اخیر در افغانستان و تقویت کنترل مرزی با کشور گفت‌وگو کرد.

به گزارش خبرگزاری دولتی تاجیکستان (خاور)، رهبران کشورهای روسیه و تاجیکستان روز سه‌شنبه، سیزدهم میزان، طی تماس تلفنی با تأکید بر امنیت منطقه، بر تقویت مادی و فنی حفاظت از مرز تاجیکستان با افغانستان تأکید کردند.

افزون بر این، رییس جمهور روسیه در این تماس روز تولد امام‌علی رحمان را به وی تبریک گفت.

پوتین و رحمان توافق کرده‌اند که در مورد وضعیت افغانستان به تماس‌های منظم خود ادامه دهند.

روسیه پیش‌تر از افزایش تنش‌ها بین تاجیکستان و طالبان ابراز نگرانی کرده بود./فارس

لینک کوتاه :

با دوستان خود به اشتراک بگذارید: